التجارة الإلكترونية
كل ما يخص التجارة الإلكترونية بمراحلها وخطواتها
كل يوم الآف الاشخاص بتدخل مجالات عمل مختلفه ولكن عدد محدود اللى بيكمل وده لان الكتب والكورسات كلام نظري يكفي كبدايه فقط ولكن نجاحك واستمرارك متوقف على خبرة وتجارب فعليه ومع المنافسه الشديده الايام دي بيخلي التجربه مكلفة جدا من حيث الوقت والمجهود وكمان الفلوس وده اشهر سبب فى ان ناس كتيره بتقع فى نص الطريق ومش بتكمل
معلومه من شخص يمتلك خبرة هتوفر عليك وقت كبير فى تجارب مكلفة ومرهقه ولكن تظل المعادلة الصعبه ان اللى شغال فعلا وعنده خبرة وقيمه حقيقيه صعب انك تنتظر انه يحضر كورس لانه لا يملك الوقت وكمان هو مش خبير كورسات وتنسيق محتوى ومونتاج والاهم من كل ده انه حتى لو حضر محتوى كويس مش هيوصلك لان للأسف اغلب الاشخاص اللى عندهم خبرة وقيمه حقيقيه مش معروفين ولا مشهورين
وهنا تيجي فكرة "سكليدو" واللى هتوفرلك خبرات حقيقيه فى مجالات مختلفه واللى هتقدر تسألهم بشكل مباشر عن المشاكل والتحديات اللى بتواجهك وهما هيساعدوك من واقع خبراتهم وتجربتهم الحقيقيه لان ممكن اجابة سؤال واحد توفر عليك كتير من وقت ومجهود وفلوس
١ - هتتواصل معانا عن طريق الواتس اب الموجود فى الـCoaching Session اللى محتاج فيها دعم واستشارة
٢ - هتسجل اسمك واسئلتك ولازم تكون الاسئله محدده ومش عامه علشان الاجابه كمان تكون محدده ومش عامه وده الهدف من الموقع.
٣ - هيتم الرد عليك بتأكيد الحجز والميعاد
٤ - الـCoaching Session هتكون على Zoom وهيوصلك اللينك فى الميعاد
٥ - علشان نحقق اعلى استفاده لاكبر عدد ممكن انت مش بس هتسمع الرد على اسئلتك انت هتسمع كمان الرد على اسئله مهمه سألوها ناس تانيه فى نفس مجالك.
هدفنا هو اننا نحقق اعلى قيمة ونكون المكان اللى تلاقي فيه معلومه صادقة ومفيدة. وعلشان كده عندنا نظام مختلف فى الاسعار وطرق الدفع
١ - بالنسبه للاسعار فهي "اللى تدفعه" ايوه اللى تدفعه على قدر امكانياتك لان كل الناس هنا متطوعه لخدمتك ومش محتاجه ولا منتظره تعمل ثروه من وراك
٢ - بالنسبه لطرق الدفع وهي بسيطه بأنك هتخرج المبلغ اللى على قدر امكانياتك لأي عمل خير من اختيارك بنية التوفيق فى عملك وعلمك انت ومقدم الجلسه او المحاضره
كل ما يخص التجارة الإلكترونية بمراحلها وخطواتها
SKILLEDOO
Shape your skills with right expert